BE.323 Logu no.204
SONANG DO ROHANGKU

Ayat 1
Siparmahan bolon Na so olo modom Tatap ma au on
BasaMi o Tuhan Do mangaramothon Au sadari on
Borngin pe Ho ma muse Na manjaga humaliang Ahu asa sonang

Ayat 2
Ho ma manamparhon Nasa parmaraan Dohot basaMi
Sesa ma dosangku Ias ni rohangku Hasonanganki
AnakMi naung mate i, I do na padao dosangku Ipe las rohangku.

Ayat 3
Dohot ma donganku Hinaholonganku Sahat ma tu Ho
Sai tong diranapi MataMi ma hami asa sonang do
Ho tongtong di lambungkon Jala au di Ho, o Tuhan I do hasonangan

Ayat 4
Nasa parmaraan Dohot hasusaan Sai padao sude
Ale Amanami Sai ondingi hami Asa sonang be
Sai orai pangago i Unang hami diarsahi Jala disusai.

Ayat 5
Aik beha ajalhu Suda ni bohalhu Ro saborngin on ?
Molo i, Tuhanku RohaMi di ahu Alap ma au on
Asal lao tu surgo au Pasahaton ni Jesusku Sonang do rohangku

Ayat 6
Pos nuaeng rohangku Pitpit ma matangku Mangasahon Ho
Sahat tu tanganMu Daging nang tondingku RamotanMu do
HataMi do mandok i Dung i, molo ngot manogot Ho muse hutopot.
